't Hof Van Commerce

't Hof Van Commerce - Kwik Lik Pélé lyrics

Your rating:
Ik ben ne employé van Commerce NV
directeur in de afdeelinge MC
extraordinair langs gin kantn deursnee
literair vulgair tis zwaore paté
revolutionair universitair zeune
populair lik software, vintje nie geweune
Bikanst perfect mo myn tann staen keune
ge zit te fantazeern over oar feune

Tis u vergeevn, ne mins mag droomn
ik ben clienteel ik stae oender stoom
juste lik stoom oed je my nie in toom
ik ben slik lik gliek en vet lik doom

ik kyke noa ne video 
en 'k lúster noa ne stereo
nie voe 't jin of 't ander dè, ik ben ginne gigolo
ik ben ip de radio 
van iedere regio
zitte in de studio
owieowieowieo

kgoa ol langer mee dan Lenny
kryge olle doage nen emmy
kben gin VJ en noem me gin lowiegy
of Dimitri De Tremmeri
en kgoa nie noa de crèmery
en kzy pertank de krenke nie
k'et tout nu toe nog nooit vergeetn
Ik ben verzekerd van succes
teegn brand en voe myn leevn
tis voe betere puntn da we streevn
'n tapis-plain i nog nie volledig geweevn
er zyn nog avontuurn da we moetn beleevn
lik jommeke 
en de goedne stuntman
jerommeke 
in 't hof van commerke
goa woa dat 'n actie is
Buyse de attractie is
ik ben ne grote vis
nie gekwikt in 't oenderwys
myn bestoan is myn bewys

Kwik lik Pélé
visie lik télé
Kwik lik Pélé
Choco lik toffee
Cash lik monnee
zyk lik my nie
vintje ik ben groggy
kwik en tonnee

inderdaet inderdaet inderdaet inderdaet
inderdaet inderdaet inderdaet

hey

Myn kostuumn werdn ip moate gemakt
mynne zak gepakt
myn kousn zyn voorol geplakt
myn booterams gesmeerd
myn commesies gedoan
myn tandn gekúst
myn kriesn deurstoan
nen oceaan
zoe nie misstoan
in mynnen achtrút
i j' 't verstoan
begin te delvn
verleg myn golfboan
juste mo woater tusn my en d'Amerikoann

Scone lik de ramadam
ne board lik 'n Taliban
ook worde'k ne timmerman
zeker ginne charlatan
'k verkondige myn actieplan
ni nie lik ne woaterman
Johan en den Alverman
Bassie en Adriaan

Ik noeme myn eign oenverkreukboar
verboodn te bepooteln, nie ier en wok niet doar
ik komme oenantastboar
't i nie logisch te verkloarn
de professoorn vergoarn
ol joarn zyn ze bezig
kben nog oltyd anwezig
tis evangelie dak leze
ge zyt gezegend bijdeze
eèt nog e fréze
komt út joen bedstee
tis oenkloar
tyd voe te leevn of is't er bezwoar
è joen klachtn ipgespoard
zy'j ze geirn angekoart
werd je beloazerd
deur burgers angestoard
makt er een ende an
springt in de voart
sukkeloare
zoender moare
tis ik die eindeloos bewoare

Kwik lik Pélé
visie lik télé
Kwik lik Pélé
Choco lik toffee
Cash lik monnee
zyk lik my nie
vintje ik ben groggy
kwik en tonnee

Kwik lik Pélé
visie lik télé
Kwik lik Pélé
Choco lik toffee
Cash lik monnee
zyk lik my nie
vintje ik ben groggy
kwik en tonnee


inderdaet inderdaet inderdaet inderdaet
inderdaet inderdaet inderdaet


inderdaet inderdaet inderdaet 
i j' 't verstoan
inderdaet inderdaet inderdaet
Get this song at:
bol.com
amazon.com

Copyrights:

Author: DJ 4T4, Flip Kowlier, Serge Buyse

Composer: ?

Publisher: Plasticine

Details:

Released in: 2012

Language: Dutch

Appearing on: Stuntman (2012)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found