Kindje kleene, kindje dood
mag ik u iets vragen
mijn ogen zijn van 't schreien rood
en mijn stemme rauw van 't klagen.

Duizel je nog als je rechte staat
kan je nu lopen zonder vallen
ja 'k hè vleugels van zilverdraad
en van pluimkes en sneeuwkristallen

Ben je beschut tegen de nacht
is uw kleedje wel warm geweven
ja van 't zuiverste zijdeke zacht
en van maneschijn ben ik omgeven

Waar moe je gie rusten op uw verre reis
waar vind je gie eten en drinken
'k drinke den dauw van 't groen paradijs
'k hè wolken om in weg te zinken

Kindje kleene, kindje dood
wie moet er nu voor u zorgen
den hemel is te wijd en de wereld te groot
'k houd u diep in mijn herte geborgen