Willem Vermandere

Willem Vermandere - Ik wil maar zeggen songtekst

Je score:
Als den hemel maar nie nere valt, de zunne maar nie openknalt
Janneke Maan maar nie ontploft en Jupiter nie nereploft
nen F-zestien op onze kop, deur de schuld van nen verkeerde knop
nen verdoemden engel of ne meteoriet, of nen doodvermoeide sateliet
je zit gie thuis op uw gemak, 't valt daar nen vlieger op uw dak
ik wil maar zeggen da'k bibber en beef en da'k kontent ben da'k nog leef

Als de grond nu maar niet openscheurt, mijn erf en huis het graf in sleurt
mijnen beddebak in 't slijk verzinkt, heel mijnen boel naar d'n duvel stinkt
'k hè blind den architect vertrouwd, mijn huis is op eens stort gebouwd
een vunzig zootje kwik en lood, mijn kalf is blauw en mijn koe sta rood
't is wel komiek en artistiek, maar ze zijn doodziek van de chimiek
ik wil maar zeggen da'k bibber en beef en da'k kontent ben da'k nog leef

Pas wakker staat daar de koerier, meet nen helen berg bedrukt papier
van 't aanslagjaar en den achterstel, ze snie'n lelijk in mijn vel
voor 't kindergeld en de ziekebond, voor de vuilkarre en Max den hond
van den advokaat een heel verhaal en van de flics een proces-verbaal
nen kouden douche zo 's nuchtens vroeg, vadertje staat hè nooit genoeg
ik wil maar zeggen da'k bibber en beef en da'k kontent ben da'k nog leef

Vul 'k mijn karre in de supermarkt, met vlees en kaas en groensel apart
met volgeladen autobak, rechte naar huis op mijn gemak
met 't wekelijks keukenrantsoen, van kiek en keun, kalf en kalkoen
ontvet ontsmet in pot en pak, in doos en blik en plastiek zak
bespoten gekeurd gesteriliseerd, langs alle kanten geforceerd
ik wil maar zeggen da'k bibber en beef en da'k kontent ben da'k nog leef

Ga 'k 's zondags naar de voetbalmatch of volg 'k den televisiekwatsch
van politiekers in debat, nen tots in 't smoel, ne schup in 't gat
een gijzeling en Zaventem, neen overval in Wevelgem
in Ierland nog ne moordaanslag en voor morgen nog ne regendag
en zeven gangsters zijn ontsnapt en Pien die nog een mopke tapt
ik wil maar zeggen da'k bibber en beef en da'k kontent ben da'k nog leef

als ik morgennuchtend maar ontwek, gezond en wel zonder gebrek
geen bult' of knult' of mankepoot, geen pok of pest of kletsebloot
geen breuk of fistel of spaanse griep, nie doof nie blind nie katholiek
wat dat ne mens al nie'n vangt, wat 'r al nie boven zijn hoofdje hangt
lijk donder en bliksem en zonneslag, of 't ergst van al de slappe lach
ik wil maar zeggen da'k bibber en beef en da'k kontent ben da'k nog leef

Maar ondanks al den tegenwind, 't gekloot da j'daaglijks ondervindt
den onbeschofte zotteklap, den achterbaksen papperlapap
't geblaas 't geraas den hoge krop, van boeven met ne kristuskop
't gejank de stank den bucht den brol van de wereldbol dat rovershol
al ben ik kreupel al ben 'k bekaf, al sta 'k met enen poot in 't graf
al geef ik toe da'k bibber en beef, toch durf ik zeggen, da'k geiren leef
Vind dit lied op:
bol.com
amazon.com

Copyrights:

Auteur: Willem Vermandere

Componist: Willem Vermandere

Publisher: ARS Entertainment

Details:

Uitgegeven in: 2000

Taal: Nederlands

Komt voor op: Ik wil maar zeggen (1988) , Van Blanche Tot Blankeman (2000) , De zanger / De muzikant (2012) , De zanger & de muzikant (2012) , Het Beste Van (2020)

Laatst bijgewerkt door Anonymous op Thursday 14th of July 2011 19:40

Deel je mening

Dit formulier wordt beschermd door reCAPTCHA en de Google Privacy Policy en Servicevoorwaarden zijn daarbij van toepassing.

0 Reacties gevonden